Kişilərin stilini dəyişmə səbəbi | Bəzi geyimlər necə trendə çevrildi?

Payızda bütün dünyada kişilər daha çox bankir stilində geyinməyə başlayıb.

Klassik qrafiklə ofisdə çalışan cavan əməkdaşlar xanımların diqqətini çəkmək üçün jilet geyinirlər.

Bəs müasir dəblə ayaqlaşmayan paltar necə trendə çevrildi?

“The Banker Bro” adlanan cərəyana qoşulanlar ya jilet, ya da zəncirbəndli sviterlərə, cemperlərə – yaxalıqsız toxunma koftalara üstünlük verirlər.

Stilistlərin fikrincə, buna səbəb “Sənaye” teleserialıdır. Ekran əsəri maliyyə məktəbləri və institutların Londonun ən böyük investisiya bankında yer tutmaq uğrunda mübarizəsinə həsr olunub. Əsas qəhrəmanlar da məhz sadalanan formada geyinirlər. Bu səbəbdən Britaniyada oxşar məhsullara tələbat 10 faiz artıb. Bəzi atelyelərdə 20 faiz artım qeydə alınıb.

Bunu pandemiyanın qlobal təsirləri ilə də bağlayırlar. Çünki karantin dövründə ofisdaxili, daha sonra distant iş rejimi insanların geyim tərzinə də təsirsiz ötüşmədi. İnsan evdə olsa da, videokonfranslar, “zoom” zənglər zamanı səliqəli görünmək üçün jilet, cemper, zəncirbəndli sviter və ya köynəklərdən istifadə etməli olurdu.

Digər tərəfdən bu stili qadınların dəb saldığı da deyilir. Daha çox “TikTok”da qızların özünə varlı bankir həmdəm axtarışları gənc oğlanları heç olmasa görünüşcə bankirlərə oxşamağa vadar etdi. Hətta “Man in Finance” treki ilə hazırlanan videolar kəşfetə düşdü.