Pleyeri seçin:
Küçədə yararsız vəziyyətdə qalan "AA" seriyalı avtomobil kimindir?
Paytaxtda “AA” dövlət qeydiyyat nişanlı avtomobil küçədə yararsız vəziyyətdə qalıb. Görənlərin təəccübünə səbəb olan “BMW” markalı maşın Yasamal rayonu ərazisində yerləşir.
“Teleqraf”ın əldə etdiyi məlumata görə, hazırda altında təkərləri belə olmayan “10-AA-320” dövlət qeydiyyat nişanlı avtomobil dələduzluq ittihamı ilə həbs edilən Diasporla İş üzrə Dövlət Komitəsinin sabiq rəhbəri Nazim İbrahimovun qardaşı Sahib İbrahimovun müsadirə edilən əmlaklarından biridir. Avtomobilin gələn ay dövlət hərracında satılacağı bildirilir.
Qeyd edək ki, Sahib İbrahimov Bakı Ağır Cinayətlər Məhkəməsinin hökmü ilə 6 il 9 ay müddətə azadlıqdan məhrum edilib. O, Cinayət Məcəlləsinin külli miqdarda ziyan vurmaqla dələduzluq, ağır nəticələrə səbəb olmaqla vəzifə səlahiyyətlərindən sui-istifadə etmə və vəzifə saxtakarlığı maddələri üzrə təqsirli bilinib. Hacı İbrahim Nehrəmlinin də qardaşı olan Sahib İbrahimov bir neçə şirkətin rəhbəridir.
Kopyalandı
Seçilmişlər
