Kürdə batan ata və qızının yaxınları fəryad edir

Aprelin 12-də axşam saatlarında Kür çayında batan ata və qızın axtarışları başa çatıb.

Belə ki, aprelin 19-da Vaqif Süleymanovun cəsədi Zərdab rayonunun Pərvanlı kəndi ərazisində aşkarlanaraq sudan çıxarılıb. Aprelin 20-si səhər saatlarında isə Fövqəladə Hallar Nazirliyinin Xüsusi Riskli Xilasetmə dəstəsinin əməkdaşları 6 yaşlı Səmanın cəsədini taparaq sudan çıxarıblar.

Səmanın babasının sözlərinə görə, o, 3 yaşında ürəyindən əməliyyat olunubmuş:

“Ona görə də Səma ərköyün böyümüşdü. Kimsə onun xətrinə dəyə bilməzdi. Atasının elə bu istəyinə görə ikisi də birdən rəhmətə getdi”.