Lənkəranda çirkab su problemi: sakinlər üfunət içində yaşayır

Lənkəran rayonunun Göyşaban kəndində yerləşən ikimərtəbəli 16 mənzilli binanın sakinləri bir neçə ildir ki, üfunət əlindən yaşaya bilmirlər. Kanalizasiya anbarı dolub, çirkab suları binanın həyətinə axır.

Sakinlər öz vəsaitləri hesabına anbarın ətrafını bir neçə dəfə təmizlətdirsələr də, nəticə yenə də olduğu kimi qalıb.

Məsələ ilə bağlı Lənkəran Şəhər İcra Hakimiyyəti başçısının Göyşaban kənd inzibati dairəsi üzrə nümayəndəsi Qurban Quliyev bildirib ki, yaxın günlərdə əraziyə texnikalar cəlb olunacaq və hava şəraiti normallaşan kimi işlərə başlanılacaq.