Rusiyada Elman Paşayevə qarşı ittiham irəli sürüldü | Detallar bilindi

Rusiyada azərbaycanlı hüquqşünas, keçmiş vəkil Elman Paşayevə qarşı xüsusilə külli miqdarda dələduzluq ittihamı irəli sürülüb.

Bu barədə ölkə mətbuatında məlumat verilib.

Bildirilib ki, E.Paşayev cinayət işi üzrə istintaqla əməkdaşlıqdan imtina edib. İstintaqın keçmiş vəkilin işi üzrə üç şahidi dindirdiyi bildirilib.

Qeyd edək ki, E.Paşayev cari ilin sentyabr ayında saxlanılıb. Rusiya İstintaq Komitəsi onun blogerlər Aleksey və Yelena Blinovskilərə qarşı 46 milyon rubl dəyərində dələduzluq etməkdə şübhəli bilindiyini açıqlayıb. Təqsirləndirilən şəxsə qarşı cinayət işinin istintaqı çərçivəsində sübutların toplanması davam edir.