Yekaterinburqda hansı qətllər törədilib? - Rusiya İstintaq Komitəsindən məlumat

Rusiyanın İstintaq Komitəsi Yekaterinburqda öldürülən və həbs olunan azərbaycanlılarla bağlı məlumat yayıb.

Məlumata görə, Yekaterinburqda bəzi qətllər törədilib. Onlardan biri 2001-ci ildə kəsici-deşici yaralardan ölən Paşayevlə bağlıdır. 2010-cu ildə isə Şirinovun sifarişi ilə qətl törədilib.

Materiallar arasında 2011-ci ildə Azərbaycan vətəndaşı olan qadının güllə yarası aldıqdan sonra öldüyü də var.

Qətllərin motivi kimi biznes və kommersiya sferasındakı anlaşılmazlıqlar göstərilir. 6 nəfər şübhəli qismində saxlanılıb. Məzahir, Akif və Ayaz Səfərovlar polisin nəzarətindədir.

Məhkəmənin qərarı ilə Əhliman Hacıyev, Şahin Məmmədli və Bakir Səfərovun saxlanılma müddəti uzadılıb.

Cinayət işi ilə bağlı 14 yerdə axtarış aparılıb, 11 maşına baxış keçirilib, 10 şahidin ifadəsi alınıb.

İş Rusiya İstintaq Komitəsinin baş idarəsinə ötürülüb.