Lənkəranda təhsil ocağının təmirə ehtiyacı var

Lənkəranın Üzümçülük qəsəbəsində yerləşən orta məktəb binası sanki hansısa bir istixananı xatırladır.

Şəhid Asəf Əmrahovun adını daşıyan məktəb 1983-cü ildə tikilib. Burada həmçinin uşaq bağçası fəaliyyət göstərir.

40 ildir fəaliyyət göstərən məktəbdə indiyədək əsaslı təmir işləri aparılmayıb. Buna görə də hazırda qəzalı vəziyyətə düşüb.

Binada şüşələri sınıq pəncərələri, qırıq qapıları kardon lövhələr, sellofan örtüklər əvəz edir. Buradakı şəraitsizlik əksər valideynləri övladlarını yaxın kəndlərdə yerləşən məktəblərə göndərmək məcburiyyətində qoyur.