Mehriban Əliyeva "Qarabağ" - "Qalatasaray" oyunundan paylaşım edib

Prezident İlham Əliyev və birinci xanım Mehriban Əliyeva Bakı Olimpiya Stadionunda “Qarabağ” və “Qalatasaray” komandaları arasında keçirilən oyunu izləyiblər.

Azərbaycanın Birinci vitse-prezidenti Mehriban Əliyeva “Qarabağ” - “Qalatasaray” oyunu ilə bağlı paylaşım da edib. O, paylaşımında "Türkiyə-Azərbaycan qardaşlığı əbədidir, sarsılmazdır!" fikrini qeyd edib.

Xatırladaq ki, oyun qardaş Türkiyədə baş vermiş güclü zəlzələnin fəsadlarının aradan qaldırılmasına yardım məqsədilə təşkil olunub. Görüşdən əldə olunacaq bütün gəlirlər zəlzələdən əziyyət çəkənlərə yardım üçün Türkiyəyə göndəriləcək. Oyun üçün satışa çıxarılmış 62 mindən çox biletin hamısının qısa müddətdə satılması bu qarşılaşmaya göstərilən böyük maraqla yanaşı, Azərbaycan xalqının çətin gündə qardaş Türkiyə ilə sarsılmaz həmrəylik nümayiş etdirməsinin də əyani təsdiqidir.