Məktəblərdə narkotik satılır?

Yasamal rayonu 158 nömrəli orta məktəbdə müəllimlə valideyn arasında insident yaşanıb.

Metamfetamin satdığı iddia olunan 10-cu sinif şagirdi Mehdi Məmmədlinin atası direktorun otağında həmin məktəbin dil-ədəbiyyat fənnini tədris edən Səhər Əhmədovaya hücum edib.

Məktəbdən verilən məlumata görə, M.Məmmədlinin valideynləri məktəbə gələrək bildiriblər ki, S.Əhmədova onların evinə zəng edərək övladlarının ünvanına böhtan atıb.

Məsələ ilə bağlı Daxili İşlər Nazirliyindən bildirilib ki, qeyd olunan məlumat ərazi polis orqanı əməkdaşları tərəfindən tam və hərtərəfli araşdırılıb, iddialar öz təsdiqini tapmayıb.

“Bu iddialar qərəzlidir, haradan və kimdən qaynaqlandığı müəyyən edilib”, – deyə məlumatda qeyd edilib.