Müharibə veteranlarının müavinəti ilə bağlı təklif

“Müharibə veteranlarına verilən müavinətin məbləği 80 manatdan 130 manata çatdırılmalıdır”.

Bunu Milli Məclisin iclasında deputat Siyavuş Novruzov deyib. O bildirib ki, müharibə veteranlarının aldığı 80 manat müavinət kommunal xərcləri ödəmək üçün azdır.

“Müavinət 80 manat həcmində təyin ediləndə, qazın, işığın, suyun qiyməti indikindən ucuz idi. Bu gün isə qiymətlər bahalaşıb. Ona görə də hesab edirəm ki, müharibə veteranlarının aldığı müavinətin həcmi artırılmalıdır”, - deyə milət vəkili təklif edib.