Naxçıvanda çörəyin qiyməti daha da ucuzlaşa bilər

Naxçıvanda iyulun 17-dən etibarən çəkisi 300 qram olan çörəklərin 45 qəpikdən yox, 40 qəpikdən satılmasına başlanıb.

Naxçıvan Muxtar Respublikası İqtisadiyyat Nazirliyinin sektor müdiri Nicat Həşimov bildirib ki, çörək istehsalçılarının müraciəti əsasında yığıncaq təşkil olunub:

"Yığıncaqda iyulun 17-dən 300 qramlıq çörəyin topdansatış qiymətinin 36, pərakəndə satış qiymətinin isə 40 qəpiyə olması ilə bağlı təkliflər müsbət qarşılanıb".

N.Həşimovun sözlərinə görə, gələcəkdə taxıl qiymətlərində dəyişikliklər olarsa, məsələ yenidən sahibkarlarla müzakirə ediləcək.