Pleyeri seçin:
Ölmədən özünə məzar düzəltdirən 71 yaşlı nənə xatirələrini bölüşdü
Gürcüstanda soydaşlarımızın kompakt yaşadıqları Qardabanidə olan məzar hər kəsin təəccübünə səbəb olur.
Yan-yana iki qəbir və başdaşı olsa da, məzarın bir tərəfi elə baş daşının üzəri kimi boşdur. Səbəbi isə eşidən, duyan hər kəsi heyrətləndirir.
Sözügedən boş məzar soydaşımız Leyla Qurbanovanındır. Hər nə qədər qəribə səslənsə də, Leyla nənə öz mazarını özü düzəltdirib, hətta baş daşını belə qoyub.
“4 il əvvəl həyat yoldaşım vəfat etdi. Heç kimə əziyyət verməmək üçün yoldaşımın məzarı ilə birlikdə öz məzarımı da düzəltdirdim”, – deyə 71 yaşlı qadın bildirib.
Qeyd edək ki, Qardabani rayonunda ölmədən öncə özünə məzar hazırladan yeganə soydaşımız Leyla Qurbanova deyil. Rayondakı qəbiristanlıqda bunun kimi başqa hazırlanmış boş məzarlara da rast gəlmək mümkündür.
Kopyalandı
Seçilmişlər
