Qaxda təhlükəli serena xəstəliyi yayılıb

Keyfiyyətli və təbii balın vətəni olan Qaxda hər il onlarla arıçı öz təsərrüfatlarında bəslədikləri arı ailələrindən yay aylarında bol məhsul əldə edirlər. Ancaq 2023-cü ildə arılar arasında yayılan serenavirus adlı xəstəlik arıçılar arasında təşvişə səbəb olub.

Belə ki, bu xəstəliyə yoluxan arılar yeşiklərində deyil, açıq havada, yəni iş vaxtı tələf olurlar. Arıçılar bu xəstəliyin son illər ilk dəfədir ki, baş verdiyini bildirirlər.

20 ildir arıçılıqla məşğul olan Kamran Seydəli söyləyib ki, virusa görə təkcə onun təsərrüfatında 25 faiz ziyanlıq var. Xəstəlik əsasən rayonun orta zolağına düşən hissədə özünü göstərib.

Kütləvi azalmaya məruz qalan arı təsərrüfatları əgər özlərini bərpa edə bilməsələr, bu hal bal qiymətlərinə də təsir edə bilər. Aşağı düşən məhsuldarlıq balın yüksək qiymətə satılma ehtimalını artırır.