Pleyeri seçin:
Qazaxda təhlükə saçan körpü | Sürücülər şikayətləndi
Qazaxda son günlər aramsız yağan yağışlar sellə müşahidə olunduğundan çaylarda suyun səviyyəsinin kəskin artması müşahidə olunur. Bəzi çaylar məcrasından çıxıb.
Qazax şəhərinin şimal qərb istiqamətində heyvan bazarı və xeyli sayda müəssisə su altında qalıb.
1630 nəfər əhalisi olan Dəmirçilər kəndini rayonla birləşdirən yeganə körpünün bir hissəsi selin təsirindən dağılıb. Sakinlər deyirlər ki, gün ərzində bu körpüdən təxminən 200-ə yaxın nəqliyyat vasitəsi keçir.
1970-ci illərdə inşa edilən körpü Azərbaycan Avtomobil Yolları Dövlət Agentliyinin balansındadır. Qurumdan bildiriblər ki, sel suları azalsa, ərazidə bərpa işləri aparılacaq.
Qeyd edək ki, mayın 25-dən bölgəyə yağan intensiv leysan yağışları Qazax rayonu istiqamətində Xram, Coğaz və Ağstafa çaylarında bol sululuq yaradıb.
Kopyalandı
#Qazax rayonu teqi istifadə olunub
Seçilmişlər
