Qəhvə içərkən bunlara mütləq diqqət edin... | Britaniyalı alimlərdən maraqlı araşdırma

Britaniyalı alimlərin yeni araşdırması nəticəsində məlum olub ki, müntəzəm qəhvə içən yaşlı insanlarda demensiyanın inkişaf riski daha azdır.

Tədqiqatda 40-69 yaş arasında olan 205 minə yaxın insanın tibbi qeydləri təhlil edilib. Müəyyən olunub ki, şəkərsiz qəhvənin daha çox istehlakı Parkinson və Alsheymer xəstəliklərinin, eləcə də buna bağlı demensiya riskinin azalmasına kömək edib.

Araşdırma müəlliflərinin fikrincə, qəhvə içənlər içməyənlərlə müqayisədə Alsheymer və onunla əlaqəli xəstəliklərin inkişaf riskini 34 faiz azaldır, Parkinson xəstəliyinə tutulma riski 37 faiz aşağı olur və neyrodegenerativ xəstəlikdən ölmə ehtimalı 47 faiz azdır.

Elm adamları onu da qeyd ediblər ki, effekt əldə etmək üçün sadə bir qaydaya mütləq əməl edilməlidir – şəkər və ya süni dadlandırıcıdan istifadə olunmamalıdır, yəni qəhvə şirinləşdirilməməlidir.