Kofein qəbulu faydalıdır, amma... | Qəhvənin bilinməyən xeyri ortaya çıxdı

Qəhvənin yeni bir faydası ortaya çıxıb.

Son tədqiqatlar kofeinin miqdarının ürək çatışmazlığı və insult kimi xəstəliklərlə əlaqəli olmadığını aşkar edib.

Yeni bir araşdırma ilə qandakı kofein səviyyəsinin orqanizmin yağ faizinə təsir edə biləcəyi və bunun 2-ci tip diabet, ürək-damar xəstəlikləri riskini təyin etməyə imkan verəcəyi ortaya çıxıb.

İsveçdəki Karolinska İnstitutundan, İngiltərədəki Bristol Universitetindən və London İmperial Kollecindən olan tədqiqat qrupu yüksək kofein səviyyələrinin orqanizm yağını və 2-ci tip diabet riskini azaltdığını göstərib.

Araşdırmada kofein səviyyələri ilə bədən kütləsi indeksi və 2-ci tip diabet riski arasında əhəmiyyətli əlaqə tapılıb, kofeinin miqdarının isə atrial fibrilasiya, ürək çatışmazlığı və insult kimi ürək-damar xəstəlikləri ilə əlaqəli olmadığı ortaya çıxıb.

“Qısamüddətli təcrübələr göstərir ki, kofeinin qəbulu çəki və yağ kütləsinin azalmasına gətirib çıxarır, lakin kofeinin uzunmüddətli təsiri hələ məlum deyil”, – tədqiqatçılar bildiriblər.