Qırışları əmələ gətirən vərdişlərimiz | Bu səhvlərə yol verməyək

Elm adamlarının əbədi gəncliyin sirləri ilə bağlı araşdırmalar aparmasına, plastik cərrahların dərinin dartılma üsullarını təkmilləşdirməsinə baxmayaraq, bir çoxları dərinin təravət və gəncliyinin mümkün qədər uzun müddət saxlanması və özünə qulluq zamanı ciddi səhvlərə yol verirlər.

Bu səhvlərin nələrdən ibarət olduğunu bilmək dəri sağlamlığı baxımından böyük əhəmiyyət kəsb edir.

Makiyaj edərkən dərini bir az dartdıqda və ya makiyajı siləndə ehtiyatla sürtdükdə zərər verməyəcəyini düşünürlər. Amma əslində, belə əhəmiyyətsiz görünən hərəkətlər də vaxtından əvvəl qırışların yaranmasına səbəb ola bilər.

Bütün yayı çimərlikdə keçirməsəniz belə, dənizdən uzaq bir şəhərdə yaşasanız da, dəriniz yenə də ultrabənövşəyi şüalara məruz qalır. Bu şüalar dərinin kollagen, amin turşusu bağları və zülal strukturlarına dağıdıcı təsir göstərir ki, bu da onun qocalmasını sürətləndirir.

Qoruyucu kremlərdən hər gün, hətta buludlu havada belə istifadə etmək vacibdir. Əgər dərinin gəncliyini mümkün qədər uzun müddət saxlamaq istəyirsinizsə, rasionunuzda şəkərin miqdarını əhəmiyyətli dərəcədə məhdudlaşdırmalısınız.

Parlaq günəşdən və ya görmə problemlərindən asılı olmayaraq davamlı şəkildə gözləri qıymaq kiçik qırışların yaranmasına səbəb ola bilər. Çünki təkcə günəş altında deyil, gündəlik həyatda da uzaqda nəyisə daha yaxşı görmək üçün tez-tez gözlərinizi qıyırsınız. Bu, əzələlərə gərginlik verir ki, nəticədə qocalma prosesini sürətləndirir.

Yuxu çatışmazlığı dərinin qocalmasının ən çox yayılmış səbəblərindən biridir. Bu səhvlərin dərin qırışlar şəklində özünü göstərəcəyi günə qədər gözləmək lazım deyil. Dərinizin mümkün qədər uzun müddət gənc görünməsini təmin etmək üçün indidən özünə qulluq üsullarını tənzimləməyə başlamaq lazımdır.