"Aztelekom"dan FETÖ əməliyyatı iddialarına cavab

Müxtəlif mətbuat orqanlarında “Aztelekom” telekommunikasiya şirkətində FETÖ əməliyyatının keçirildiyi və həbs olunanların olduğu deyilirdi.

Telekommunikasiya şirkəti məsələ ilə bağlı Baku TV-nin sorğusunu cavablandırıb.

“Müxtəlif kütləvi informasiya vasitələrində hüquq-mühafizə orqanları tərəfindən qurumda iki şəxsin həbs edilməsi barədə yayılan məlumatla bağlı bildirmək istəyirik ki, “Aztelekom” MMC-yə hüquq-mühafizə orqanları tərəfindən mövzu ilə əlaqədar hər hansı sorğu, məlumat və s. daxil olmayıb”, – telekommunikasiya şirkətinin açıqlamasında belə deyilir.

Qurumdan həmçinin bilidirilib ki, bu kimi təsdiqini tapmayan məlumatların hansı səbəblərdən kütləvi informasiya vasitələrinə sızdırılması “Aztelekom” tərəfindən araşdırılır.

Telekommunikasiya şirkəti media nümayəndələrini rəsmi təsdiqini tapmayan məlumatları paylaşmamağa çağırırıb.