Pleyeri seçin:
"Əcəmi seyrangahı" istirahət kompleksində memar Əcəmi Naxçıvaninin abidəsi açılıb - Baku TV
Prezident İlham Əliyev və birinci xanım Mehriban Əliyeva Naxçıvan şəhərində yerləşən “Əcəmi seyrangahı” istirahət kompleksində memar Əcəmi Naxçıvaninin abidəsinin açılışında iştirak ediblər.
Azərbaycan memarlığının görkəmli nümayəndəsi, Naxçıvan memarlıq məktəbinin banisi Əcəmi Naxçıvaninin anadan olmasının 900 illiyi münasibətilə yaradılan abidə kompleksi onun zəngin memarlıq irsini müasir yanaşma ilə təqdim etmək məqsədi daşıyır.
Qeyd edək ki, Prezident İlham Əliyev ötən il Əcəmi Naxçıvaninin 900 illik yubileyinin qeyd edilməsi və onun abidəsinin ucaldılması ilə bağlı sərəncam imzalayıb.
Abidənin müəllifləri xalq rəssamları Səlhab Məmmədov, Əli İbadullayev və Naxçıvan Muxtar Respublikası Memarlar Birliyinin sədri Heydər Əhmədovdur.
Bürüncdən hazırlanan heykəlin hündürlüyü 270 santimetr, qranit postamentin hündürlüyü isə 90 santimetrdir. Ümumilikdə abidə kompleksinin hündürlüyü 385 santimetr təşkil edir.
Kopyalandı
#Əcəmi seyrangahı istirahət kompleksi teqi istifadə olunub
Seçilmişlər
