"Gecə 4-ə qədər..." | Bu restoran sakinlərin yaşayışını görün necə kabusa çevirib - Baku TV
Xətai rayonu, Rahib Məmmədov küçəsində yerləşən “Dark Lounge & Bar” restoranından gələn səs-küy ətraf binalarda yaşayan sakinlərin narazılığına səbəb olub.
Baku TV-nin qaynar xəttinə daxil olan müraciətlərdə vətəndaşlar sözügedən məkandan gələn yüksək səs-küyün xüsusilə gecə saatlarında onları narahat etdiyini söyləyiblər.
“Bütün gecə səs gəlir. Polis də çağırmışıq, amma xeyri yoxdur”, – sakinlərdən biri söyləyib.
Digər bir vətəndaş isə qeyd edib: “Saat 4-5-ə kimi burada səs kəsilmir. O gün elə səs var idi ki, evdə stolun üstündəki qab əsirdi”.
Məsələ ilə bağlı Daxili İşlər Nazirliyindən (DİN) bildirilib ki, qeyd olunan ünvanda vətəndaşları narahat edən səs-küyün aradan qaldırılması məqsədilə polis əməkdaşları tərəfindən müvafiq tədbirlər görülüb:
"İaşə obyektinin sahibi barəsində İnzibati Xətalar Məcəlləsinin müvafiq maddəsi ilə inzibati tənbeh tədbiri tətbiq edilib. Analoji halın təkrarlanacağı təqdirdə daha ciddi tədbirlərin görüləcəyi obyekt sahibinin diqqətinə çatdırılıb".
Obyektin havalandırma sistemi və yanğın təhlükəsizliyi məsələsinə gəlincə, Fövqəladə Hallar Nazirliyindən (FHN) qeyd olunub ki, sözügedən iaşə obyekti 2026-cı ilin fevral ayından fəaliyyətə başlayıb. Mövcud qanunvericiliyin tələblərinə əsasən, obyektdə plan üzrə yanğın-texniki müayinələrin keçirilməsi cari ilin noyabr ayının 1-dək planlaşdırılmaqla 2027-ci ildə icra edilə bilər.
#Xətai rayonu teqi istifadə olunub
- "Qurumlar hara baxır, işləri nədən ibarətdir?" | Xətaidə küçə hələ də təmir edilməyib - Baku TV
- Xətaidə evləri su basdı, sakinlər özündən çıxdı | “İcradan tutmuş “Azərsu”ya qədər dedik” - Baku TV
- Bina sakinləri boğaza yığıldı | "3 maşını var, başqasının haqqına girir, deyir ki..." - Baku TV
- "Hərə öz evindən kabel sallayır..." | Yanğın baş verən binanın sakinlərindən narazılıq - Baku TV
- Xətaidəki yanğın barədə FHN-dən açıqlama | 13 nəfər... - Baku TV
