"Haradadır icra nümayəndəsi?!" - Biləcəridə böyük təhlükə | "Həm tıxac yaradır, həm də..." - Baku TV

Bakının Binəqədi rayonu, Biləcəri qəsəbəsi, Yəhya Hüseynov küçəsində mart ayında yağan güclü yağışlar nəticəsində daş hasar qəzalı vəziyyətə düşüb.

Bildirilib ki, hadisədən xeyli vaxt keçməsinə baxmayaraq, aidiyyəti qurumlar problemin köklü həlli istiqamətində heç bir ciddi addım atmayıb. Qurumların əraziyə, sadəcə, beton maneələr yerləşdirməsi isə ensiz olan yolu daha da daraldıb və bu maneələr günün pik saatlarında tıxaca səbəb olur.

"Hasar qəzalı vəziyyətdədir. Beton maneələr isə həm tıxac yaradır, həm də təhlükəlidir. Onların üzərində heç bir xəbərdaredici nişan yoxdur. Sürücülər gecə saatlarında və ya diqqətsizlik nəticəsində avtomobillə həmin betonlara çırpıla bilərlər", – vətəndaşlardan biri söyləyib.

Məsələ ilə bağlı Fövqəladə Hallar Nazirliyindən qeyd edilib ki, həmin ünvandakı istinad divarının qısa müddət ərzində bərpasına başlanılacaq.