"Kağızsız hökumət"ə keçid tamamlandı | Əhalinin dörddəbirinin istifadə etdiyi platforma - Baku TV

“Ötən il ölkə rəhbərliyi tərəfindən Azərbaycan Respublikasında Rəqəmsal İnkişaf Konsepsiyası təsdiqlənib. Konsepsiya vətəndaşlar, biznes və dövlət üçün vahid rəqəmsal yanaşmanı formalaşdırır”.

Bu fikirləri Azərbaycanın rəqəmsal inkişaf və nəqliyyat nazirinin müavini Samir Məmmədov “Azərbaycan–Türkiyə biznes forumu: Rəqəmsal transformasiya və texnologiya körpüsü” mövzusunda keçirilən forumda səsləndirib.

“Bu çərçivədə dövlət xidmətlərinin rəqəmsallaşması, biznes üçün inzibati yüklərin azalması və vətəndaş məmnunluğunun artırılması əsas hədəf kimi müəyyən edilib. Bu yanaşmaya uyğun olaraq yaradılmış vətəndaş yönümlü həllərdən biri də bizim “mygov” platformasıdır. Hazırda “mygov” Azərbaycanın ən sürətlə inkişaf edən və geniş rəqəmsal xidmət diapazonuna malik olan tətbiqlərindən birinə çevrilib. “Mygov”da istifadəçi sayı artıq 2,5 milyonu keçib və bu o deməkdir ki, ölkə əhalisinin dörddəbiri bu platformadan istifadə edir”, – deyə o bildirib.