Pleyeri seçin:
"Son zəng" tədbirləri keçirildi | 116 mindən çox şagird məktəb həyatını başa vurdu - Baku TV
Azərbaycanda 2025–2026-cı tədris ili başa çatıb və bütün ümumi təhsil müəssisələrində “Son zəng” tədbirləri keçirilib.
Bu günün həyəcanını yaşayan təhsil ocaqlarından biri də 276 nömrəli tam orta məktəb olub.
Məktəbin məzunları, valideynlər və müəllimlər təəssüratlarını Baku TV ilə bölüşüblər.
“Bütün məzunlara uğurlar arzu edirəm. Onları qarşıda gözəl bir həyat gözləyir. Ümid edirəm ki, hamının həyatı arzuladığı kimi keçər”, – məzunlardan biri söyləyib.
Müəllimlərdən biri isə duyğularını belə ifadə edib: “Bu gün çox həyəcanlıyıq. Eyni zamanda məzunlarımızı yola saldığımız üçün kədərlənirik. Onlara xoşbəxt gələcək arzu edirəm”.
Qeyd edək ki, bu il ölkəmizdə 116 550 nəfər şagird orta təhsilini başa vurub.
Kopyalandı
Seçilmişlər
