Restoranların fantastik yeni il qiymətləri | Sakinlərin hüquqları pozulur?

Yeni ilin gəlişinə sayılı günlər qaldığından bir çox restoranlarda yer tapmaq müşkülə çevrilib.

Baku TV-nin araşdırmasından məlum olub ki, təzə ili təmtəraqlı keçirmək istəyən hər nəfər üçün depozit minimum 150 manatdan başlayır, 400-450 manat arasında dəyişir.

Təklif olunan fantastik qiymətlərə baxmayaraq, bayramı əyləncəli, fərqli ab-havada keçirmək üçün restoranlara üz tutanların sayı kifayət qədərdir.

Baku TV mövzu ilə bağlı vətəndaşlar arasında sorğu aparıb.

“Hər adam Yeni ili öz evində duz-çörəyi ilə keçirməldir. Ora-bura, xüsusilə də xaricə getməyin nə mənası var mən bilmirəm”, – deyə paytaxt sakini bildirib.

Diqqət ediləsi məqam budur ki, bir neçə saat üçün böyük həcmdə ödənən məbləğ vətəndaş xidmətdən razı qalmadıqda geri qaytarılmır.

Məsələ ilə bağlı Antiinhisar və İstehlak Bazarına Nəzarət Dövlət Xidmətindən bildirilib ki, sahibkarlar qanunvericiliyə əməl etməklə göstərdikləri xidmətlərin qiymətini sərbəst müəyyənləşdirmək hüququna malikdirlər.

Odur ki, öncədən bu kimi halları nəzərə almalıdırlar ki, həm pullarından olmasınlar, həm də vaxtlarından.