Sahil Babayev postmüharibə dövründən danışdı

“İndiyə qədər 124 min müharibə iştirakçısı, qazi və şəhid ailəsi üzvlərinə 308 mindən artıq xidmət göstərilib. Onların sosial ödənişləri təmin edilib və mənzil təminatı proqramı icra edilib”.

Bu sözləri əmək və əhalinin sosial müdafiəsi naziri Sahil Babayev “Qarabağ KOB-ları” layihəsinin təqdimatında bildirib.

Nazir bildirib ki, postmüharibə dövründə şəhid ailələri və müharibə iştirakçıları ilə bağlı icra olunan sosial dəstək paketi çərçivəsində bu kateqoriyalardan olan 20 min şəxsin məşğulluğu təmin edilib, habelə 11 minə yaxın şəxs özünüməşğulluq proqramına cəlb edilib, təqribən 10 minədək şəxs işlə təmin olunub.