Sakinlərə zərər vuran ağaclar nə zaman kəsiləcək?

Mingəçevirdə irigövdəli ağac minik maşının üstünə aşıb. Hadisə şəhərin Dilarə Əliyeva 2 ünvanında qeydə alınıb.

Şəhər sakini Pərviz Qorçuyev avtomobilini çalışdığı yerin qarşısında saxlayıb işlədiyi məkana daxil olub. Günorta saatlarında yağış və küləyin təsiri olmadan iri ağac avtomobilin üzərinə aşaraq onu yararsız hala salıb.

“Hadisə barədə iş yoldaşlarım xəbər verdilər. Maşının yerində adam olsaydı, necə olacaqdı?! Kiminsə başına düşsə, yerindəcə ölər”, – deyə zərərçəkən bildirib.