Pleyeri seçin:
Şəhid Muxtar Qasımlının doğum günüdür
Bu gün 44 günlük Vətən müharibəsində şəhid olan Muxtar Qasımlının doğum günüdür.
Şəhidimiz 1993-cü il fevralın 23-də Bakıda anadan olub. O, 1999-cu ildə Bakı şəhəri 318 nömrəli tam orta məktəbə daxil olub və 2009-cu ildə məktəbi bitirib. 2009-2013-cü illərdə Azərbaycan Dövlət Bədən Tərbiyəsi və İdman Akademiyasının kikboksinq fakültəsi üzrə bakalavr təhsili alıb.
Erkən yaşlarından idmana marağı olub. Dəfələrlə yarışlarda iştirak edib və mükafatlara layiq görülüb. O, 2019-cu ildə fitnes üzrə Azərbaycan çempionu adına layiq görülüb.
M.Qasımlı 2020-ci il sentyabrın 27-də başlanan Vətən müharibəsi zamanı Füzuli uğrunda gedən döyüşlərdə şücaət göstərib. Oktyabrın 2-də Füzuli uğrunda gedən döyüşlərdə qəhrəmancasına şəhid olub. Bakı şəhəri Qala qəbiristanlığında dəfn olunub. “Vətən uğrunda” və “Füzulinin azad olunmasına görə” medalları ilə təltif olunub.
Kopyalandı
#Muxtar Qasımlı teqi istifadə olunub
Seçilmişlər
