Şəhidimiz Cahan Qasımovun qızı dünyaya gəldi

Fevralın 19-da antiterror tədbirləri zamanı şəhid olan Cahan Qasımovun qız övladı dünyaya gəlib.

Şəhidin anası Tahirə Qasımova sevinc hissini Baku TV ilə bölüşüb. O, övladı ilə fəxr etdiyini deyib:

“Oğlumun yadigarıdır. Balamla fəxr edirəm. Onun yadigarını Allah bizə çox görməsin. Saxlayaq, böyüdək. Balamın adını uca etsin”.

Qeyd edək ki, Cahan Qasımov 2001-ci il martın 19-da İsmayıllı rayonunun Qalınçaq kəndində anadan olub. O, 2023-cü ilin sentyabrında Azərbaycan Ordusunun həyata keçirdiyi uğurlu lokal antiterror tədbirləri zamanı Xocavənd istiqamətində gedən döyüşlərdə ağır yaralanıb. Sentyabrın 30-da isə şəhidlik zirvəsinə ucalıb.

Qəhrəmanımız Qalınçaq kənd qəbiristanlığında dəfn edilib. Ölkənin ərazi bütövlüyünün təmin olunmasında yüksək peşəkarlıq, şücaət və mərdlik göstərmiş Silahlı Qüvvələrin hərbi qulluqçusu Cahan Qasımov ölümündən sonra Prezident İlham Əliyevin Sərəncamına əsasən, “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.