Sel daşqınlarının dəfələrlə yuyub apardığı kənd

Bir kənd düşünün ki, üç əsrdən çox yaşı var. Bu kəndi indiyə kimi düz üç dəfə sel yuyub-aparıb. Amma o hər şeyə sıfırdan başlamaq üçün mütləq bir yol tapıb.

Söhbət dağlar qoynunda yerləşən, əsrarəngiz mənzərə ilə əhatə olunmuş Qusarın Laza kəndindən gedir.

Əvvəllər Lazanın 500-600 nəfər əhalisi olub. Onlar tez-tez gələn sel daşqınları səbəbindən başqa ərazilərə köçüblər. İndi kənddə 150 sakin qalıb.