SOCAR-ın İstanbuldakı ofisinə hücum edən 13 nəfər saxlanıldı

SOCAR-ın Türkiyə ofisinə hücumda şübhəli bilinən şəxslər saxlanılıblar. Bu barədə yerli media xəbər yayıb.

Bildirilib ki, "Fələstin Üçün Min Gənc" təşkilatının 13 üzvü saxlanılıb. Onların ifadələri alınandan sonra məhkəmə qarşısına çıxarılacağı vurğulanıb.

Qeyd edək ki, bir neçə gün əvvəl SOCAR-ın İstanbuldakı ofisinə hücum olub. Səbəb kimi SOCAR-ın guya İsrailə neft satması göstərilib.

SOCAR Türkiyə iyunun 3-də İsrailə xam neft satmaq ittihamlarına cavab olaraq məlumat yayıb. Şirkətin yaydığı açıqlamada qeyd olunub ki, ittihamlar həqiqəti əks etdirmir və qəsdən ictimai rəyi çaşdırmaq məqsədi daşıyır.