Soğanın qiyməti 2 dəfə bahalaşıb

Son günlər istər paytaxtda, istərsə də bölgələrdə soğanın qiymətində bahalaşma müşahidə olunur. Məhsulun qiyməti bəzi bölgələrdə 2 dəfədən də çox artıb.

Baku TV-nin əməkdaşının müşahidəsi zamanı bazarda soğanın qiymətinin növündən və keyfiyyətindən asılı olaraq 1 manat və 1 manat 50 qəpik arasında dəyişdiyi məlum olub.

Satıcıların sözlərinə görə, bahalaşmaya səbəb yerli məhsulun xaricə ixrac olunmasıdır.

Məsələ ilə bağlı Baku TV-yə açıqlamasında iqtisadçı ekspert Ruslan Atakişiyev bildirib ki, hazırkı qiymət artımı müvəqqəti xarakter daşıyır.