Su kanalında həlak olan hərbçimizin dəfnində duyğu dolu anlar

Bədbəxt hadisə nəticəsində dünyasını dəyişən hərbi qulluqçu Elvin Eyvazov köhnə Xudat kənd məzarlığında torpağa tapşırılıb.

İyirmi iki yaşlı hərbçimiz Vətən müharibəsində və antiterror əməliyyatlarında iştirak edib.

“O, hərbi forması üçün canını qoyub. Oğlum o formaya, o bayrağa görə getdi”, – mərhumun atası söyləyib.

Qeyd edək ki, hərbçi Elvin Eyvazov Samur-Dəvəçi-Abşeron su kanalında boğularaq vəfat edib. Faktla bağlı araşdırma aparılır.