Sumqayıtda ahıl şəxslərə qarşı soyğunçuluq edənlər saxlanıldı
Sumqayıtda təqaüdçülərə qarşı quldurluq və soyğunçuluq edilib.
Bu barədə Daxili İşlər Nazirliyinin Mətbuat Xidmətindən məlumat verilib. Bildirilib ki, Sumqayıt Şəhər Polis İdarəsinin 1-ci Polis Bölməsinin əməkdaşları tərəfindən həyata keçirilən əməliyyat zamanı şəhər ərazisində ahıl şəxsləri izləyərək onlara qarşı quldurluq və soyğunçuluq cinayətləri törətməkdə şübhəli bilinən Sadiq Şavaqatov və Zahid Kazımov saxlanılıb.
Qeyd edilib ki, bu şəxslər bankomatlarda təqaüdlərini nağdlaşdıran zərərçəkənlərin pullarını ələ keçiriblər.
Sumqayıt ŞPİ-nin 1-ci PB-nin əməkdaşları tərəfindən keçirilən növbəti əməliyyat zamanı isə Corat qəsəbəsində narkotik vasitələrin satışı ilə məşğul olan daha bir nəfər – Bayandur Umudov da tutulub. Onun üzərindən 1 kiloqramdan artıq narkotik vasitə olan marixuana aşkarlanıb.
#Sumqayıt teqi istifadə olunub
- Sumqayıtda tibbi müayinə zamanı ölüm hadisəsi baş verdi - ANA XƏBƏR
- Sumqayıtda toyda ölüm | Prokurorluq araşdırmaya başladı - Baku TV
- FHN Sumqayıtda baş verən yanğının qarşısını aldı - Baku TV
- Sumqayıtda faciə: 71 yaşlı kişi dəm qazından həyatını itirdi - Baku TV
- FHN baş verən yanğına müdaxilə etdi | Hadisə yerindən anbaan görüntülər - Baku TV
