Cəmiyyət
Pleyeri seçin:
Uşaqlarımıza görə məcbur alırıq | Tortların qiymətinin bahalaşma səbəbi
15 sentyabr – “Bilik Günü” münasibətilə övladı 1-ci sinfə gedən valideynlər tort və gül sifarişləri üçün daha çox canfəşanlıq edirlər.
Xüsusi dizaynda, “Bilik Günü”nə özəl hazırlanan tortların dadı şirin olsa da, qiymətləri əl yandırır. Öncədən gül buketi sifariş vermək isə müşkülə çevrilib.
Satıcıların sözlərinə görə, “Bilik Günü”nə özəl tortların qiyməti 40-43 manatdan başlayır. Üzərində xüsusi bəzəkləri olan tortların qiyməti isə 150 manatdan yuxarı hesablanır.
İqtisadçılar deyirlər ki, hər yeni tədris ilində süni artım müşahidə edilir. Bahalaşmaya səbəb isə elə məhz valideynlərin özləridir.
İqtisadçı Fuad İbrahimov bildirib ki, sinifdə olan 20 şagirdin müəllimə gül gətirməyi anormal haldır: “Gözəllik 1 həftə sonra tullantı olursa, bu, israfçılıqdan başqa bir şey deyil”.
Kopyalandı
Seçilmişlər
