Uşaqların ölüm riskini artıran nüanslar | Alimlər həyəcan təbili çaldı

Bəzi valideynlərin evdə ultra-gigiyena qaydalarına riayət etmək meyli uşaqlarının sağlamlığı üçün fəlakətli nəticələrə səbəb ola bilər.

Antibakterial sabunlarla onların ürək-damar xəstəlikləri və nəticədə erkən ölüm riski əhəmiyyətli dərəcədə artacaq.

Çikaqoda Şimal-Qərb Universitetinin alimləri belə nəticəyə gəliblər.

Onlar hesab edirlər ki, antibakterial sabunun çox tez-tez istifadəsi ürək-damar xəstəliklərinin xəbərçisi olan “C-reaktiv” zülalın səviyyəsinin artmasına gətirib çıxarır. Bu, iltihab zamanı toxuma zədələnməsinin əsas göstəricilərindən biridir.

Uşağın otağı, evi nə qədər təmiz olsa, yetkinlik dövründə iltihablı proseslərin inkişaf riski bir o qədər yüksəkdir. Uşağın immunitetinin güclənməsi üçün mikroblarla təmasda olması lazımdır.

Professor Tomas Mak Daidin başçılıq etdiyi tədqiqatçılar qrupu 22 il ərzində 3000 filippinli ailə haqqında məlumatları təhlil edib. Daha sonra bu məlumat Amerika ailələrinin xəstəlik tarixçələri ilə müqayisə edilib.

Məlum olub ki, filippinlilər ürək problemindən daha az əziyyət çəkirlər və daha uzun yaşayırlar, həmçinin xəstəliklərə qarşı daha dözümlüdürlər.