Pleyeri seçin:
“Elə oğlanlarımız şəhid oldu ki...” | Qəhrəman qazi Füzuli uğrundakı döyüşlərdən danışdı
“Ermənilər Füzulini viran qoymuşdular. Orada sığınacaq yerlərimiz yox idi, atəş mövqeyi seçə bilmirdik. Amma Azərbaycan əsgəri düşmənin yaratdığı bütün maneələri peşəkarlıqla dəf etdi”.
Bu sözləri Baku TV-yə müsahibəsində Füzuli uğrunda gedən döyüşlərdə böyük şücaət göstərən Vətən müharibəsi iştirakçısı, qazi Pərvin Abdullayev bildirib.
Qazinin sözlərinə görə, erməni silahlılarının atdığı minaatan mərmisinin partlaması nəticəsində ağır yaralanıb: “Gözümdən yaralanmışdım. Yaralandıqdan sonra 9 ay hospitalda qalmışam. Ümumilikdə 15 dəfə əməliyyat olunmuşam”.
Pərvin Abdullayev qeyd edib ki, Xankəndi stadionunun açılışına gedərkən Füzulinin yenidən salınmış yollarını görəndə dərin hisslər yaşayıb: “O yolda elə oğlanlarımız şəhid olmuşdu ki... İnsanı qəhər hissi boğur. Amma sevinirdim ki, artıq işğaldan azad olunmuş torpaqlarımızda düşmənlər gəzmir”.
Qazi sonda bildirib ki, Vətən müharibəsində iştirak etdiyi üçün qürur hissi keçirir: “Qürur duyuram ki, müharibədə iştirak etdim və düşməndən qisasımızı aldıq”.
Kopyalandı
Seçilmişlər
