Vətən üçün yanan insan idi | Qətlə yetirilən polis Mirəli Heydərov dəfn edildi

Bakıda xidməti vəzifəsini yerinə yetirərkən qətlə yetirilən polis serjantı Mirəli Heydərov Kürdəmirin Cəyli kənd qəbiristanlığında torpağa tapşırılıb.

Dəfn mərasimində M.Heydərovun doğmaları, Kürdəmir Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları və ictimaiyyət nümayəndələri iştirak ediblər.

“Qardaşımın həmişə arzusu olub ki, Vətən uğrunda igidlik göstərsin. Bu gün belə bir vəziyyətin olması onun öz arzusuna çatması deməkdir. Vətən üçün yanan insan necə qardaş ola bilər? Təbii ki, Vətənini sevən ailəsini də sevirdi”, – mərhumun qardaşı Təbaət Heydərov deyib.