Xilas edilən ana və övladının son vəziyyəti

Bakı şəhəri, Səbail rayonunda yerləşən Dənizkənarı Milli Park ərazisində dənizdə boğulma təhlükəsi ilə üzləşən ana və azyaşlı körpəsi təcili tibbi yardım avtomobili ilə TƏBİB-in tabeliyində fəaliyyət göstərən Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilib.

Bu barədə Kliniki Tibbi Mərkəzdən məlumat verilib. Bildirilib ki, gətirilərkən vəziyyəti stabil olan ana və uşaqda heç bir ciddi patologiya aşkar olunmayıb. Hər iki şəxsə lazımi tibbi yardım göstərilib.

Azyaşlı ambulator müalicə üçün evə buraxılıb. Ananın müalicəsi isə davam etdirilir. Vəziyyəti stabildir.