“Yağışlı bir gün idi” hekayəsinin təqdimat mərasimi keçirildi

“Azərbaycan Dəmir Yolları” QSC-nin “Qatarda oxu” layihəsi çərçivəsində “Yağışlı bir gün idi” hekayələr toplusunun təqdimat mərasimi keçirilib.

Kitabda Mir Cəlal adına 3-cü hekayə müsabiqəsinin qalibləri və bir sıra iştirakçılarının hekayələri toplanıb.

Müsabiqənin coğrafiyası Bakı ilə yanaşı, müxtəlif bölgələrimizi, ucqar kəndlərimizi belə əhatə edib.

Ədəbiyyat yarışına Türkiyə, Bosniya və Herseqovina, Gürcüstan, İran, Hindistan, İndoneziya, Serbiya, Xorvatiya, Litva və Belarusdan da hekayələr göndərilib.

Əksər hekayələr Azərbaycan dilində olsa da, türk, rus, ingilis və başqa dillərdə də bədii əsərlər var.

Qeyd edək ki, artıq Mir Cəlal adına 4-cü hekayə müsabiqəsinə də start verilib.