Yeni qərardan sonra hansı avtomobillər ucuzlaşdı? | Maşın bazarında son vəziyyət

İyulun 1-dən taksi fəaliyyəti ilə bağlı yeni qərarlar qüvvəyə minib.

“Avtomobil nəqliyyatı haqqında” Qanuna edilmiş dəyişikliyə əsasən, artıq istehsal tarixi 8 ildən çox olan avtonəqliyyat vasitələrinə buraxılış kartı verilməyəcək.

Eyni zamanda buraxılış kartı verilməsi üçün təqdim olunan avtomobillər 2024-cü il iyulun 1-dən ölkəyə idxal edilibsə və yaxud respublikamızda istehsal olunubsa, onun rəngi mütləq ağ və ya qırmızı olmalıdır.

Bəs yeni qərar və şərtlər maşın bazarında qiymətlərə necə təsir göstərib?

Taksi sürücüləri mövcud qiymətlərdən narazılıq edirlər. Onların sözlərinə görə, artıq qırmızı və ağ maşınlar daha baha satılır.

“Mənim maşın almağa imkanım çatmır. Özüm taksi sürücüsüyəm, ailəmi bununla dolandırıram. Maşınlar çox bahadır. Ən ucuz maşın 20 mindən başlayır, ona da mənim gücüm çatmır”, – alıcı narazılığını bildirib.