"Zəfərin yolu: Qələbənin izi ilə” layihəsi çərçivəsində nümayəndə heyəti Xankəndidə - Baku TV

Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondunun təşkilatçılığı ilə “Zəfərin yolu: Qələbənin izi ilə” layihəsi çərçivəsində nümayəndə heyəti Xankəndiyə səfər edib.

Ziyarətçilər Zəfər parkını ziyarət ediblər. Qonaqlara parkın yaradılmasının tarixi və ideoloji əhəmiyyəti, eləcə də şəhərdə həyata keçirilən genişmiqyaslı tikinti-quruculuq işləri barədə məlumat verilib.

Ziyarətçi Güvən Dumanlı təəssüratlarını Baku TV ilə bölüşüb:

“Çox şükür, illər sonra işğaldan azad edilən torpaqlarımızdayıq. İllərdir arzuladığımız, görmək istədiyimiz Vətən torpaqlarını gördük. Rəbbim şəhid olan əsgərlərimizə rəhmət etsin, qazilərimizə sağlamlıq versin.

Xankəndidəyik. Çox şükür, qəhrəman əsgərimiz, böyük dövlətimiz suverenliyini bərpa etdi. Biz bir olduqca, bütün türklər bir olduqca önümüzdə heç kim dayana bilməyəcək. Yaşasın Azərbaycan, yaşasın Türkiyə! Qarabağ Azərbaycandır!”.