Zəlzələdən sonra daha bir təhlükə | Yeni Günəşli sakinləri etiraz edir

Suraxanı rayonu, Yeni Günəşli qəsəbəsində V massivində yerləşən 13M binasının sakinləri ərazidə baş verən sürüşmədən narahatdırlar.

Belə ki, sözügedən yerdə baş verən sürüşmə nəticəsində binanın sağ və sol hissəsində yarğanlar əmələ gəlib.

Vətəndaşlar ərazidə müşahidə edilən çökəklik və çatların binaya təsir göstərəcəyini düşünürlər.

“Zəlzələdən sonra burada sürüşmə hadisəsi baş verdi və hər dəfə də yarğanlar yaranır. Yarğanları süni yolla doldurmağımıza baxmayaraq, yenidən əmələ gəlir, daha da dərinləşir. Ekologiya və Təbii Sərvətlər Nazirliyinə, Suraxanı Rayon İcra Hakimiyyətinə müraciət etməyimizə baxmayaraq, heç bir nəticə əldə olunmayıb”, – deyə sakin şikayətini bildirib.