Zəngilan şəhərinin işğaldan azad olunmasından 4 il ötür

Zəngilan şəhərinin erməni işğalından azad edilməsindən dörd il ötür.

Prezident İlham Əliyevin 2023-cü il iyulun 31-də imzaladığı Sərəncama əsasən, hər il oktyabrın 20-də Zəngilan Şəhəri Günü təntənəli şəkildə qeyd edilir.

Bu əlamətdar günün təsis olunması Zəngilan şəhərinin erməni Silahlı Qüvvələrinin işğalından azad edilməsi tarixi ilə bağlıdır.

Dörd il əvvəl bu gün Zəngilan şəhəri ilə yanaşı, rayonun Havalı, Məmmədbəyli, Şərifan, Muğanlı kəndləri və Həkəri qəsəbəsi də erməni qəsbindən azad olunub. Azad edilən ərazilərə şanlı Azərbaycan bayrağı sancılıb.