Videobloqer 180 km/s sürətli motosikletlə qəza törədib

Motosikletdə çəkdiyi videoları ilə məşhur olan rusiyalı videobloqer Daşa qəzaya uğrayıb.

Hadisə Soçi şəhərində yeni istifadəyə verilən Adler-Krasnaya Polyana magistralında baş verib.

Motosikletlə təhlükəli manevrlər edən Daşa sürəti saatda 180 km-ə qədər qaldırıb. Daha sonra əks yola çıxaraq həm avtomobillər, həm də özü üçün təhlükə yaradıb.

Bu anları kamerası ilə çəkən videobloqer əllərini sükandan çəkərək motosikleti arxa təkəri üstündə sürməyə davam edib.

Bir anlıq diqqəti yayınan Daşa motosikleti yol kənarındakı arakəsməyə çırpıb.

O, dərhal dostlarının köməkliyi ilə xəstəxanaya çatdırılıb. Sosial şəbəkə hesabında qəza ilə bağlı məlumat paylaşan Daşa vəziyyətinin yaxşı olduğunu bildirib.

Kamil Əmirli