11 il sonra yağan qarın afrikalılarda yaratdığı sevinc

Cənubi Afrikaya Antarktidadan gələn soyuq hava kütlələrinin daxil olması ilə qar yağıb.

Məlumata görə, qar təkcə yüksək dağlıq ərazilərə deyil, əyalətin bir çox şəhər və qəsəbələrinə də yağıb, yollar buz bağlayıb.

Qeyd edək ki, iyul ayı Cənub yarımkürəsində qış ayı olsa da, burada sonuncu dəfə qar 2012-ci ildə, yəni 11 il bundan əvvəl yağıb. Mütəxəssislər bu hadisəni son vaxtlar dünyada baş verən iqlim dəyişiklikləri ilə əlaqələndirirlər. Sinoptiklər qarın bir həftə davam edəcəyini proqnozlaşdırırlar.