150 milyon amerikalı təhlükə ilə üz-üzə

ABŞ əhalisinə dəhşətli fırtına ilə bağlı xəbərdarlıq edilib. Bu barədə meteoroloq Conatan Porter bildirib.

Onun sözlərinə görə, elektrik kəsintiləri və təhlükəli soyuq hava şəraiti təxminən 150 milyon amerikalıya təsir göstərəcək.

Fırtına səbəbindən hava limanlarında 6 minə qədər aviareysin ləğv edilə biləcəyi proqnozlaşdırılır. Təbii fəlakətin ən çox Texas və Corciya ştatına təsir edəcəyi bildirilir.

Qeyd olunur ki, Arktikadan gələn sərt soyuqlar ABŞ-nin elektrik şəbəkəsi üçün ciddi sınaq olacaq.

Nyu-York ştatının qubernatoru Keti Hoxul sakinləri yaxınlaşan təhlükə ilə bağlı xəbərdar edib. O bildirib ki, hazırkı mülayim temperatur insanları aldatmamalıdır.

“Həddindən artıq soyuq və ölümcül ola bilər – tam mənası ilə ölümcül”, – deyə K.Hoxul vurğulayıb.

O, xüsusilə Mohawk Vadisində havanın mənfi 40–50 dərəcə şaxtaya kimi hiss edilə biləcəyini, digər şimal bölgələrində isə bu göstəricinin mənfi 30 dərəcəyə, aşağı ərazilərdə mənfi 5–10 dərəcəyə enəcəyini qeyd edib.