İsrail Ordusu hücuma keçdi | İranın 16 təyyarəsi məhv edildi - Baku TV

İsrail Ordusu SEPAH-ın hava qüvvələrinin əsas komanda mərkəzini məhv edib.

Bu barədə İsrail Müdafiə Qüvvələri məlumat yayıb.

Komanda mərkəzi İsrail Hərbi Hava Qüvvələrinin Tehranda həyata keçirdiyi hava hücumları dalğası fonunda vurulub.

Bildirilib ki, zərbələr həmçinin Hava Hücumundan Müdafiə sistemlərini, logistika anbarlarını və ballistik raketlərin istehsalı və buraxılışı üçün istifadə olunan obyekti də hədəfə alıb.

Qeyd edək ki, İsrail Hərbi Hava Qüvvələri Tehranın Mehrabad hava limanında Qüds Qüvvələrinin 16 təyyarəsini məhv edib. Bəyanata görə, təyyarələr Livandakı “Hizbullah” təşkilatına silah təchizatı üçün istifadə olunub.

Bildirilib ki, məhv edilən təyyarələrin içərisində silah və pul olub. Belə ki, hava gəmiləri dəfələrlə Mehrabad hava limanından qalxıb və “Hizbullah” da daxil olmaqla dəstək qrupların ehtiyaclarını ödəmək üçün Yaxın Şərqin müxtəlif yerlərinə uçuş edib.

Bundan əlavə, İsrail Hərbi Hava Qüvvələri üçün təhlükə yaradan İran qırıcıları sıradan çıxarılıb.