4 milyard əvvəlki şərait yenidən yaradıldı | Alimləri hərəkətə keçirən hadisə

Münhendəki Lüdviq Maksimilian Universitetinin alman alimləri Yerdəki ən qədim mikroorqanizmlərin təxminən 4 milyard il əvvəl yaşadığı şəraiti çoxalda biliblər.

Təcrübə göstərib ki, ilk hüceyrələr dəmir və kükürdün geokimyəvi reaksiyaları zamanı ayrılan hidrogendən enerji ala bilirdilər.

Tədqiqat "Nature Ecology & Evolution" elmi jurnalında dərc olunub. Mütəxəssislər yüksək temperaturda dəmir sulfid minerallarının əmələ gəldiyi qədim hidrotermal bulaqların miniatür analoqlarını yaradıblar.

Bu mühitdə qədim mikroorqanizmlərin müasir analoqu olan Methanocaldococcus jannaschii nəinki sağ qalıb, həm də sərbəst buraxılan hidrogendən istifadə edərək aktiv şəkildə çoxalmağa başlayıb.

"Biz heç bir qida əlavə etmədik. Bu, ilk hüceyrələrin sadə kimyəvi reaksiyalardan enerji əldə edə bildiyini təsdiqləyir", – deyə tədqiqatın aparıcı müəllifi Vanessa Helmbrext bildirib.

Tədqiqatçılar oxşar şərtlərin Saturnun peykində də mövcud ola biləcəyini təklif ediblər.