Pleyeri seçin:
500 minə yaxın könüllü iştirak etdi və üzə çıxdı ki... | Alimlərdən maraqlı araşdırma
Vanderbilt Universitetinin Tibb Mərkəzinin alimləri müəyyən ediblər ki, WNT9B genindəki mutasiyalar prostat xərçənginin inkişaf riskini 2-dən 12 dəfəyə qədər artırır.
Bu əlaqə ABŞ və Avropadan 500 minə yaxın könüllünün iştirak etdiyi beş müstəqil araşdırma ilə təsdiqlənib.
Genetik Tibb üzrə Dosent Jeffrey Smith deyib ki, bu günə qədər prostat xərçəngi riskini artıran nisbətən az gen müəyyən edilib. Alimlərin fikrincə, bunlara HOXB13, BRCA2 və 8q24 lokusu daxildir. Genom bölgəsi olan 8q24 də kolon və döş xərçəngi inkişaf riski ilə əlaqələndirilir.
Tədqiqatçılar qeyd ediblər ki, “yeni” WNT9B geni embrionlarda prostat vəzinin normal inkişafı üçün nəzərdə tutulub, lakin böyüklərdə onun düzgün işləməməsi xərçəngin inkişafına səbəb ola bilər.
Alimlər əlavə ediblər ki, gələcək tədqiqatlar irsi və ya qazanılmış mutasiyanın klinik nəticəyə və xəstəliyin gedişatına təsir edib-etmədiyini araşdıraraq fərdi müalicəyə imkan verəcək.
Kopyalandı
Seçilmişlər
