Pleyeri seçin:
700 min vergi ödəyicisinin məlumatı oğurlandı
Fransanın Büdcə Nazirliyi ölkənin vergi agentliyinə edilən genişmiqyaslı haker hücumundan sonra dövlət idarələrinin kibertəhlükəsizlik sistemlərindəki zəiflikləri aşkar etmək üçün süni intellekt alətlərindən istifadə edəcək.
Bu barədə Fransanın büdcə naziri David Amiel bildirib.
Onun sözlərinə görə, süni intellekt dövlət sistemlərinin təhlükəsizliyini sınaqdan keçirmək üçün tətbiq ediləcək.
Qeyd edilib ki, Fransanın İqtisadiyyat və Maliyyə Nazirliyinin ötən həftə məlumat verdiyi kiberhücum nəticəsində təxminən 700 min vergi ödəyicisinin məlumatları oğurlanıb.
Fransanın vergi idarəsinin rəhbəri Ameli Verdye həmçinin bazar ertəsi aşkar edilən və araşdırılması davam edən yeni məlumat sızıntısı barədə də xəbər verib.
Kopyalandı
Seçilmişlər
